Сискәнеп киттем мин салкыннан…

Сискәнеп киттем мин салкыннан.
Дуслыкка хыянәт сарылган…
… Сөрмә дип ялгыштым. Күзеңә
Көнләшү карасы ягылган…

Җылымны җуйдым мин. Җанымда
Син дигән өметем өзелгән!..
Мин — өнсез. Ялагай елмаю
Еландай шуыша йөзеңнән.

Сүзләрдән бу мәлдә ни мәгьнә?!
Дәшсәң дә ишетә алмамын…
Саркытып йөрүем яшьләргә
Манылган йөрәгем ямавын!..

Эльмира Җәлилова.

Комментарии:

Добавить комментарий

Войти с помощью: 

Ваш e-mail не будет опубликован.

Имя *
E-mail *
Сайт